The Boat o'Burnmou'
By Campsie Linn
Here I lie baith high and dry
An' sune will be forgot:
Here I wait to learn my fate,
A helpless broken boat.
I'm still in hope, and this I'll say
Ye Stanley folks tak' note:
It's drawing near election day,
When ye for the Council vote.
I've done guid service in my time,
Which I'm willin' tae renew,
Should ye wish me back again
Tae my place at Burnmou'.
'Twas on a wild and wintry day,
The Tay rose mountains high,
I got a shock, my chain it broke,
So I doon the Tay did hie.
Ower the "Dam Dyke" I did toss,
An' through the "Cat Holes" passed,
Through the "Hells Hole" whirlpools
An' 'gainst the rocks I dashed,
Past "Inchbervie" and "Auld Nairne House",
An' Stanley's Mills an'a',
As I passed by Stanley toon
The "Auld Kirk Clock" struck twa.
Past "Summerhill" I drifted on,
Through the "Skellies" I did dig,
Still hurrying on, wi' mony a groan,
Till I reached "Auld Thistle Brig."
I windered as I drifted on
What is my fate tae be?
Will naebody try tae rescue me,
Ere I reach the sea?
Mile efter mile I floated on
Till Perth cam' in tae view,
I jinked thorugh the "Auld Brig,"
Bur was held up wi' the "New."
Here I lay util next day,
My fateful journey o'er,
Sae, efter some manoeuvring,
They towed me tae the "Shore."
Sae here I lie, baith high and dry,
A helpless broken boat;
Sae Stanley folks remember me
Ere ye cast ye'r vote.